Northeimer Datenbank Deutsches Gedicht

Niemen kan mit gerten von

Niemen kan mit gerten
kindes zucht beherten:
den man z'eren bringen mac,
dem ist ein wort als ein slac.
dem ist ein wort als ein slac,
den man z'eren bringen mac:
kindes zucht beherten
nieman kan mit gerten.

Hüetent iuwer zungen:
daz zimt wol den jungen.
floz den rigel für die tür,
la kein boese wort dar für.
la kein boese wort dar für,
sloz den rigel für die tür:
daz zimt wol den jungen.
hüetent iuwer zungen.

Hüetent iuwer ougen
offenbar und tougen,
lant si guote site spehen
und die boesen übersehen
und die Bösen übersehen
lant si guote site spehen
offenbar und tougen:
hüetent iuwer ougen.

Hüetent iuwer oren,
oder ir sint toren.
lant ir boesiu wort dar in,
daz guneret iu den sin.
daz guneret iu den sin,
daz guneret iu den sin,
lant ir boesiu wort dar in,
oder ir sint toren.
hüetent iuwer oren.

Hüetent wol der drier
leider alze frier.
zungen ougen oren sint
dicke schalkhaft, z'eren blint.
dicke schalkhaft, z'eren blint,
zungen ougen oren sint.
leider alze frier
hüetent wol der drier.