Northeimer Datenbank Deutsches Gedicht

Bin alben e wärti Tächter gsi von

Die Braut:
Bin alben e wärti Tächter gsi;
Bin us em Hus, cha nümme dri,
Eh! nümme dri mir Läbelang.
Dr Ätti, ds Müeti, Brueder u Schwester u wän i ha,
Die mueß ig alli jetz verlah,
Mueß luege, wie's mer dusse gang.
O du mi trüli wärte Schatz,
Jezt chumeni, hesch mer Platz?

Der Bräutigam:
Bisch frili e wärti Tächter gsi,
Muest äbe so ne wärti si,
E wärti si dir Läbelang.
Dr Ätti, ds Müeti, Brueder u Schwester u wän i ha,
Hätt längist di gärn bi ne gha;
Un i ha beitet scho gar lang.
O du mi trülli wärte Schatz,
Chunst ändlig? I ha der Platz.

Die Gäste:
Juheie! ihr Burs u Meitscheni,
Hüt soll e Tag der Freude si;
Der Freude si mit Spiel u Klang!
D'Manne, d'Wiber, Jungi un Alti u jederma
Soll lustig si u Freud dra ha,
Mit Ässe, Trinke, Tanz u Gsang!
Juhe! sit lustig, sparet nüt,
Ihr trülige Hochzitlüt!