Northeimer Datenbank Deutsches Gedicht

Zwei Königskinder von

Zwei Königskinder

Et wassen twe Künigeskinner,
de hadden enanner so lef,
de konnen to nanner nich kummen,
dat Water was vil to bred.

?Lef Herte, kannst du der nich swemmen?
lef Herte, so swemme to mi!
ick will di twe Keskes upstecken
un de sölld löchten to di."

Dat horde ne falske Nunne
up ere Slopkammer, o we!
Se deit de Keskes utdömpen: -
lef Herte blef in de Se.

Et was up en Sundage Morgen,
de Lüde wören alle so fro,
nich so des Küniges Dochter,
de Augen de seten er to.

?O Moder," sede se, ?Moder!
Mine Augen dod mi der so we;
mag ick der nich gon spazeren
an de Kant von de ruskende Se?"

?O Dochter," sede se, ?Dochter!
allene kannst du der nich gon,
weck up dine jüngste Süster
und de sall met di gon."

?Min allerjüngste Süster
is noch son unnüsel Kind,
se pflücket wol alle de Blömkes
de an de Sekante sind.

Un plückt se auk men de wilden
un lett de tammen ston,
so segged doch alle de Lüde,
dat hed dat Künigskind don."

?O Moder," sede se, ?Moder!
Mine Augen dod mi der so we,
mag ik der nich gon spazeren
an de Kant von de ruskende Se?"

?O Dochter," sede se, ?Dochter!
Allene sast du der nich gon,
weck up dinen jüngsten Broder,
un de sall met di gon."

?Min allerjüngsten Broder
is noch son unnüsel Kind,
he schütt wull alle de Vügel
de up de Sekante sind.

Und schütt he auk men de wilden
un lett de tammen gon,
so segged doch alle de Lüde,
dat hed dat Künigskind don."

?O Moder," sede se, ?Moder!
Min Herte dad mi der so we,
lat annere gon tor Kerken!
Ick bed an de ruskende Se."

Do sad de Künigsdochter
upt Hoefd ere goldene Kron,
se stack up eren Finger
en Rink von Demanten so schon.

De Moder genk to de Kerken,
de Dochter genk an de Sekant,
se genk der so lang spazeren
bes se enen Fisker fand.

?O Fisker, leveste Fisker!
ji könnt verdenen grot Lon,
settet jue Netkes to Water,
fisket mi den Künigessohn."

He sette sin Netkes to Water,
de Lotkes sunken to Grund,
he fiskde und fiskde so lange.
De Künigssohn wurde sin Fund.

Do nam de Künigesdochter
von Hoefd ere goldene Kron:
?Süh do, woledele Fisker!
dat is ju verdende Lon."

Se trock von eren Finger
den Rink von Demanten so schon:
?Süh do, woledele Fisker!
dat is ju verdende Lon."

Se nam in ere blanke Arme
den Künigssohn, o we!
Se sprank met em in de Wellen:
?O Vader un Moder, ade!"