Northeimer Datenbank Deutsches Gedicht

Mien Cloppenborg. von

Mien Cloppenburg.

Mien Cloppenburg, wat bist du schön
In frisken Maienstaot,
Wenn wedder dör dat junge Gröün
Dei Nachtigallen slaot,
Un sachte sing dei Liederstrom
In jedet Harte sick.
Dei Mensken unnerm Lindenbom,
Dei spräkt van Leiw un Glück.

Dei Söste slütt so ernst hendaol,
Sei weit von olle Tied,
Van Helden, dei as Stein un Staohl,
Van wilden Ritterstried.
Nu schaukelt dor up lichten Kaohn
Dei Kinner mit Gesang.
Dei Saißen gaiht in breie Baohn
Dei wieden Wisken lang.

Mit Kunst un Fliet! Noch gelt dat Wort
För Meister un Gesell,
Un gaude, olle, dütske Ort,
Dei is hier doch in Tell.
Sankt Andreis Klockenstimme maohnt
Tau Andacht Stadt un Land.
Mit den, dei öwer Wolken waohnt,
Bind us ein hillig Band.