Northeimer Datenbank Deutsches Gedicht

De Stormflot. von

De Stormflot.

Wat brüllt de Storm?
De Minsch is'n Worm!
Wat brüllt de See?
'n Dreck is he!

De Wind de weiht, up springt de Flot,
un sett up den Strand ehrn natten Fot,
reckt sick höger un leggt up't Land,
patsch, ehre grote, natte Hand.

De lütte Diek, dat lütte Dorp,
de Flot is doröwer mit eenen Worp.
Dar is kien Hus, dat nich wankt un bewt,
dar wahnt kien Minsch, de morgen noch lewt.

Wat brüllt de Storm?
De Minsch is'n Worm!
Wat brüllt de See?
'n Dreck is he!